Kundëradmiral Arsen Mullaj mori sot zyrtarisht detyrën e Komandantit të Forcës Detare pas dekretimit nga Presidenti i Republikës. Ai zëvendëson në këtë detyrë Nënadmiral Adnand Agastra, i cili përfundon mandatin e tij në krye të Forcës Detare.
Në ceremoninë e dorëzimit të detyrës mori pjesë edhe Ministri i Mbrojtjes, Pirro Vengu, i cili vlerësoi ndërrimin e komandës si pjesë të vazhdimësisë profesionale dhe forcimit të lidershipit në Forcat e Armatosura. Ministri Vengu shprehu mirënjohje për kontributin dhe lidershipin e treguar nga Nënadmiral Agastra gjatë një karriere të gjatë në shërbim të vendit.
