Wizz Air, një nga linjat ajrore me kosto të ulët udhëheqëse në Evropë, është renditur sërish mes 50 linjave ajrore më të sigurta në botë dhe në top-10 linjat ajrore low-cost më të sigurta globalisht nga Airline Ratings, autoriteti global për sigurinë ajrore, cilësinë e produktit dhe vlerësimet e pasagjerëve.
“Në Wizz Air, siguria është themeli i çdo vendimi që marrim. Ky vlerësim nga Airline Ratings pasqyron kulturën tonë të fortë të sigurisë, profesionalizmin e njerëzve tanë dhe investimet e vazhdueshme në trajnim, avionë modernë dhe disiplinë operacionale,” u shpreh József Váradi, Drejtor Ekzekutiv i Wizz Air. “Performanca jonë e besueshme në kushte sfiduese dimërore dëshmon më tej forcën e procedurave tona. Të njihemi sërish mes linjave ajrore më të sigurta në botë, si dhe të renditemi kaq lart mes transportuesve low-cost globalë, forcon angazhimin tonë ndaj ekselencës operacionale. Jemi mirënjohës ndaj kolegëve tanë të jashtëzakonshëm për punën e tyre të shkëlqyer dhe ndaj Airline Ratings për këtë vlerësim.”
“Wizz Air ka demonstruar sërish një performancë të fortë, duke siguruar një vend në top-10, ku diferencat mes operatorëve mbeten jashtëzakonisht të vogla,” tha Sharon Petersen, CEO e Airline Ratings. “Mosha mesatare e ulët e flotës dhe norma e favorshme e incidenteve, veçanërisht kur krahasohen me numrin total të ngritjeve dhe uljeve, janë elemente të dallueshme. Mbesim si gjithmonë në pritje të një bashkëpunimi më të afërt me Wizz Air në vitin 2026 për të eksploruar më tej iniciativat e tyre të sigurisë dhe kuadrin operativ.”
Airline Ratings vlerëson linjat ajrore mbi bazën e një sërë kriteresh, përfshirë moshën dhe madhësinë e flotës, trajnimin dhe ekspertizën e pilotëve, historikun e incidenteve, dhe faktorë të tjerë. Lista e plotë e linjave ajrore të përfshira dhe informacione shtesë janë të disponueshme këtu: https://www.airlineratings.com/.
