Papa Luani XIV u takua këtë të hënë me udhëheqësen e opozitës venezuelase dhe fituesen e Çmimit Nobel për Paqen, María Corina Machado. Takimi u mbajt në një audiencë private në Vatikan.
Ky takim nuk ishte i përfshirë më parë në listën e detajuar të agjendës të planifikuara të Papës, por u rendit më vonë nga Vatikani në buletinin e tij të përditshëm, pa shtuar detaje.
Machado po bën një turne në Europë dhe Shtetet e Bashkuara pasi u rishfaq në dhjetor për të pranuar Çmimin Nobel për Paqen në Norvegji.
Papa Luani, papa i parë amerikan, ka bërë thirrje që Venezuela të mbetet një vend i pavarur pasi forcat amerikane kapën ish-presidentin venezuelas Nicolas Maduro nga kompleksi i tij në Karakas dhe e transportuan atë me aeroplan në Nju Jork për t’u përballur me akuzat federale për trafik droge.
Papa u shpreh se po ndiqte zhvillimet në Venezuelë me shqetësim të thellë dhe kërkoi mbrojtjen e të drejtave të njeriut.
