Kryeministri Edi Rama vijon ta quajë absurd vendimin e GJKKO-së për pezullimin e ministres së tij Belinda Balluku, e cila është marrë e pandehur nga SPAK dhe po hetohet për skandalet me vlerë miliona euro në Tunelin e Llogarasë dhe Unazën e Madhe të Tiranës.
Rama thotë se vendimi për pezullimin e saj “cënojnë konkretisht funksionimin e qeverisë dhe interesin publik”. Për këtë ai sjell një shembull, ku pretendon se nisja e fluturimeve transoqeanike nga Shqipëria në Kanada është thuajse e kryer, por është bllokuar vetëm për shkak se nuk mund të nënshkruhet nga Balluku, e cila është e pezulluar.
