Michael Douglas ka zbuluar se suksesi i tij si producent ndonjëherë ka qenë një barrë për të, pasi, siç thotë ai, puna e producentit i ka marrë kontrollin e jetës së tij si aktor.
Pasi fitoi dy çmime Oscar, të parin për filmin “One Flew Over the Cuckoo’s Nest” në kategorinë e filmit më të mirë dhe të dytin për aktorin më të mirë në rolin kryesor në “The Wall” – Michael Douglas është bërë padyshim një nga aktorët më të respektuar të kohës sonë. Pavarësisht suksesit të tij, si producent dhe si aktor, Douglas tani ka bërë një deklaratë në të cilën ka pranuar se lumturia nuk qëndron domosdoshmërisht në suksesin profesional.
“Ki kujdes çfarë dëshiron”, i tha aktori revistës Far out.
Në bisedë, ai foli për faktin se i financonte filmat e tij përmes kompanisë së tij të prodhimit, por edhe për faktin se shpesh e gjente veten në pozicionin e vështirë të aktrimit në filma që i prodhonte vetë. Siç thotë ai, nuk ishte një kombinim i mirë.
“Puna u bë shumë e gjatë. Kishte rreth njëzet vjet që mund t’i kisha thjeshtuar dhe ndoshta ta kisha shijuar më shumë jetën”, tha aktori, duke shtuar se kaloi pothuajse gjashtëdhjetë vjet të jetës së tij në punë të palodhur.
Megjithatë, pas punës së madhe, ai vendosi të ngadalësojë.
“Nëse do të ndodhte diçka vërtet e veçantë, do të kthehesha, por përndryshe jam mjaft i lumtur. Më pëlqen ta shoh gruan time duke punuar”, pranoi ai, krenar për gruan e tij, Catherine Zeta-Jones.
