Wizz Air, kompania ajrore udhëheqëse në vend, prezantoi sot një linjë të re direkte nga Aeroporti Ndërkombëtar i Tiranës (TIA) drejt Bratislavës (BTS), duke theksuar më tej angazhimin e saj për të zgjeruar mundësitë e udhëtimit për pasagjerët shqiptarë në Europë.
Shitjet e biletave për linjën e re nisin sot, më 16 tetor 2025, ndërsa fluturimi i parë do të realizohet më 16 mars 2026. Linja do të operojë tri herë në javë – çdo të hënë, të mërkurë dhe të premte, duke u ofruar udhëtarëve shqiptarë një udhëtim të përballueshëm drejt kryeqytetit sllovak. Biletat janë të disponueshme në www.wizzair.com dhe në aplikacionin zyrtar WIZZ, me çmime që fillojnë nga vetëm 1,990 lekë.
Bratislava, e vendosur buzë lumit Danub, njihet për qytetin e saj të vjetër plot hijeshi, kështjellën ikonike dhe jetën e gjallë kulturore. Si një kryeqytet dinamik i Europës Qendrore, ai ofron një kombinim perfekt të historisë, modernitetit dhe mundësive të biznesit. Kjo linjë e re do t’u mundësojë udhëtarëve shqiptarë të zbulojnë një perlë pak të njohur të Europës Qendrore, ndërsa udhëtarët sllovakë do të kenë tashmë mundësinë të eksplorojnë plazhet, natyrën dhe mikpritjen shqiptare.
Pas njoftimit të 9 shtatorit për ardhjen e një avioni të ri Airbus A321neo në verën e vitit 2026, hapjen e katër linjave të reja dhe rritjen e frekuencave të disa linjave ekzistuese, Wizz Air vazhdon të konsolidojë pozicionin e saj si udhëheqëse tregu në Shqipëri. Kompania operon aktualisht me 14 avionë që kanë bazën në Tiranë, fluturojnë drejt 56 destinacioneve në 18 vende, dhe ofrojnë mbi 7 milionë vende çdo vit. Që nga fillimi i fluturimeve në Shqipëri në vitin 2017, Wizz Air ka transportuar pothuajse 20 milionë pasagjerë, duke krijuar vende direkte pune për më shumë se 500 anëtarë ekuipazhi dhe duke mbështetur 16 mijë të tjerë në industri të ngjashme.
Nga janari deri në tetor 2025, linja ajrore ka operuar gati 25,000 fluturime nga dhe drejt Tiranës, duke transportuar mbi 5.2 milionë pasagjerë – një rritje prej pothuajse 7% krahasuar me të njëjtën periudhë në vitin 2024 – dhe me një normë përfundimi prej 99.9%, një nga më të lartat në industri.
Salvatore Gabriele Imperiale, Menaxher i Komunikimeve Korporative në Wizz Air, u shpreh: “Jemi të lumtur të njoftojmë një tjetër zgjerim të rrjetit tonë në Tiranë, këtë herë duke lidhur kryeqytetin e Shqipërisë me Bratislavën. Kjo linjë e re tregon edhe njëherë angazhimin e qendrueshëm të Wizz Air drejt Shqipërisë dhe pasagjerëve të saj, duke ofruar më shumë destinacione të përballueshme, të besueshme dhe mundësi udhëtimi të qendrueshme. Të udhëhequr nga nisma jonë “Customer First Compass”, do të vazhdojmë të investojmë në destinacione të reja dhe eksperienca që lidhin shqiptarët me Europën, dhe europianët me Shqipërinë. Let’s WIZZ, Shqipëri!”
INFORMACION RRETH RRUGËS MË TË RE
LINJA FREKUENCA TARIFA NGA FILLIMI I OPERIMEVE
TIRANA – BRATISLAVË E hënë, e mërkurë, e premte 1,990 LEK 16 Mars 2026
