Gjykata e Posaçme ka lënë në fuqi masat e sigurimit për shtatë anëtarët e grupit kriminal që mashtruan qindra gjermanë përmes Call Center.
Emiljano Sejdillari, Tafil Dyrmishi, Sokol Krasniqi, Eltion Logu dhe Rodrigo Guga janë lënë në arrest në burg. Ndërsa Lisjan Çulani, Mateo Llozhi dhe Kejdi Nuka janë lënë në arrest shtëpie.
Ata u identifikuan nga një hetim i Prokurorisë së Posaçme dhe autoriteteve gjermane si të përfshirë në mashtrim me pasoja të rënda nëpërmjet call centerave që vepronin në Shqipëri.
Vlera e dëmit të shkaktuar dhe të dokumentuar për këtë fazë të hetimit për periudhën disamujore të call center-it është mbi 363 mijë e 501 euro.
