Nëse nuk është fitore, nuk ka asnjë problem. Dinamo eliminon Atletic Escaldes edhe më një barazim 1-1 në Elbasan Arena, një javë pasi i kishte mundur 1-2 në Andorra. Për Ilir Dajën e blutë mjaftoi Zabërgja, në golin e dytë në dy ndeshje, për të arritur për herë të parë në histori në raundin e tretë të Conference League.
Fitorja 1-2 në transfertë natyrisht i kishte dhënë siguri të madhe kryqytetasve, që kishin dy rezultate në tre në sfidën e kthimit përballë Atletic Escaldes. Dinamo e vuri sfidën nën kontroll me golin e shënuar nga Baton Zabërgja në minutën e 18’. Një rezultat që i dha mundësinë skuadrës të arsyetonte dhe Ilir Dajës të përdorte kontrollin e topit si armën plus.
