Pëllumb Pilinci, një personazh interesant i rrjeteve sociale dhe mediave në Tiranë, ka shpërndarë në mediume kabinetin e tij, Shadow Cabinet, qeveri hije, që i vihet qeverisë së ndritshme të kryeministrit Edi Rama. Qeveria hije dhe Qeveria e Dritës janë 2 kabinete që i meritojnë shqiptarët.
KOMUNIKIMI
Të dashur qytetarë të Shqipërisë,
Të nderuar vëllezër e motra,
Sot nuk është një ditë e zakonshme.
Sot, në këtë tokë të bekuar nga historia dhe e lodhur nga padrejtësitë, lind një epokë e re. Një epokë ku fjala atdhe nuk do të jetë më vetëm një fjalë, por një obligim i përditshëm. Një epokë ku qeveria nuk do të qëndrojë mbi popullin, por do të ecë me popullin, dorë për dore.
Me nder dhe përgjegjësi të madhe, shpall formimin e Qeverisë së re të Republikës së Shqipërisë, me përkushtimin e plotë për ta kthyer besimin në shtet, për ta ngritur dinjitetin shqiptar dhe për të ndalur njëherë e përgjithmonë zbrazjen e vendit tonë.
Kjo nuk është një qeveri privilegjesh, por një qeveri sakrifice.
Në krahun tim qëndrojnë burra e gra të ndershëm, që kanë zgjedhur jo luksin, por shërbimin.
Së bashku me mua do të jenë:
Ministri i Brendshëm – për të siguruar rend, jo frikë.
Ministri i Ekonomisë – për të kthyer pasuritë kombëtare te shqiptarët.
Ministrja e Arsimit – për të rritur breza që nuk ikin, por që ndërtojnë këtu.
Ministri i Mbrojtjes – për të mbrojtur flamurin jo vetëm me armë, por me dinjitet.
Zonja dhe zotërinj,
ne nuk kemi ardhur për të premtuar ëndrra të rreme.
Ne kemi ardhur për të punuar. Për të ringritur Shqipërinë e përulur, për ta kthyer atë në Zërin e Ballkanit dhe krenarinë e çdo shqiptari, kudo që ndodhet.
Tani është koha që të ngrihemi!
Tani është koha që të ecim përpara, pa frikë, pa ndalim!
Rroftë Shqipëria!
Rroftë Populli Shqiptar!
Zoti e bekoftë këtë vend dhe këtë qeveri të re të shpresës!
Zêvendskryeminister
Dritan Abazović
Ministria e Brendshme
Ramush Haradinaj
Ministria për Evropën dhe Punët e Jashtme
Alfred Cako
Ministria e Financave dhe Ekonomisë
Ridvan Bode
Ministria e Arsimit dhe Sportit
Farruk Kalleshi
Ministria e Shëndetësisë dhe Mbrojtjes Sociale
Nard Ndoka
Ministria e Drejtësisë
Ylli Manjani
Ministria e Mbrojtjes
Kujtim Gjuzi
Ministria e Infrastrukturës dhe Energjisë
Edit Harxhi
Ministria e Bujqësisë dhe Zhvillimit Rural
Genc Rruli
Ministria e Turizmit dhe Mjedisit
Sazan Guri
Ministria e Kulturës
Ilir Demalia
Ministria për Pushtetin Vendor
Vanxhel Dule
Ministër Shteti për Rininë dhe Fëmijët
Erion Brace
Ministër Shteti për Sipërmarrjen dhe Klimën e Biznesit
Agron Gjekmarkaj
Ministër Shteti për Administratën Publike dhe Antikorrupsionin
Mesila Doda
Ministër Shteti për Marrëdhëniet me Parlamentin
Alessia Balliu
