“Agjencia e inteligjencës së jashtme e Gjermanisë”(BND) ka nxjerrë një linjë mallrash në një përpjekje për të joshur spiunë të mundshëm. Stilolapsa, gota, bluza dhe çorape janë midis koleksionit. Agjencia e inteligjencës së jashtme e Gjermanisë ka kohë që përpiqet të gjejë punonjës të rinj. Duke u treguar krijuese me qasjet e reja të nxitjes së punësimit, agjencia ka lançuar një gamë mallrash që përmban 20 artikuj. Kushdo që kërkon duar bionike, një këpucë me kamë ose një raketë cigaresh si Bond duhet të menaxhojë pritjet e tij. BND ka zgjedhur një gotë të bardhë me markë (22,95 euro), një gotë blu me markë (24,95 euro) ose, për spiunin kursimtar, një stilolaps të thjeshtë me toptha për një çmim marramendës prej 4,95 eurosh. Gjithashtu mund të merrni një fletore (12,50 euro) për të shkruar të gjitha shënimet tuaja të spiunazhit, ose një bluzë (22,50 euro) që thotë “BND” me shkronja të mëdha për t’i habitur të gjithë. Një spiun nuk do të ishte kurrë kaq i paturpshëm. Asnjëherë më parë nuk ka qenë e mundur të blihen mallra zyrtare të BND-së. Gama u lançua nën moton, “Zotëroni privatisht atë që përndryshe është sekret shtetëror”. Me kordonat dhe çorapet e saj të tenisit me markë, BND po përpiqet t’u bëjë thirrje të rinjve në Gjermani. Me sa duket, përpjekjet kanë qenë të suksesshme deri më tani, me organizatën që tashmë ka vendosur të zgjerojë gamën e saj. “Ne duam t’i targetojmë të rinjtë me dyqanin e BND-së dhe të rrisim njohjen tonë”, shpjegoi zëdhënësi i BND-së, Martin Heinemann. Organizata tashmë punëson 6.500 persona. Në tabelat reklamuese jashtë selisë së saj në Berlin shkruhej “Terroristë të kërkuar (m / f / d) – gjeni ata tek ne”.
