Media amerikane Axios raportoi se “zyrtari kryesor administrativ i Dhomës së Përfaqësuesve të SHBA-së informoi stafin e kongresit të hënën se aplikacioni i mesazheve WhatsApp është i ndaluar në pajisjet e tyre qeveritare”, ka mësuar Axios.
Pse ka rëndësi:
Ndalimi, i cili përqendrohet në cenueshmërinë e të dhënave të stafit, vjen ndërsa Kongresi po ndërmerr gjithashtu hapa për të kufizuar përdorimin e programeve të inteligjencës artificiale që i konsideron po aq të rrezikshme. Zyrtari kryesor administrativ vitet e fundit ka vendosur të paktën ndalime të pjesshme për aplikacionet DeepSeek, ByteDance dhe Microsoft Copilot.
Ai gjithashtu ka kufizuar shumë përdorimin e ChatGPT nga stafi, duke udhëzuar zyrat të përdorin vetëm versionin me pagesë, ChatGPT Plus.
Çfarë po thonë ata:
“Zyra e Sigurisë Kibernetike e ka konsideruar WhatsApp një rrezik të lartë për përdoruesit për shkak të mungesës së transparencës në mënyrën se si mbron të dhënat e përdoruesit, mungesës së enkriptimit të të dhënave të ruajtura dhe rreziqeve të mundshme të sigurisë të përfshira në përdorimin e tij”, tha CAO në një email të marrë nga Axios.”
