Një histori prekëse është ndarë nga mjeku Alket Koroshi, i cili rrëfen se si qeni i tij, Leart, i shpëtoi jetën gjatë një shëtitjeje të zakonshme pranë liqenit.
“Learti nuk më kafshon kurrë, përveçse për lojë,” shkruan doktori. Por këtë herë, sjellja e tij ndryshoi krejtësisht.
Gjatë ecjes, qeni filloi të sillej në mënyrë të pazakontë, duke e kafshuar dhe kapur në këmbë me forcë. Fillimisht ai mendoi ta qortonte, por më pas kuptoi se Leart po përpiqej ta largonte nga një rrezik.
“Pas meje ishte një gjarpër helmues, kokebaker, gati për të sulmuar. Leart u vendos mes meje dhe gjarprit, duke e përballuar vetë rrezikun derisa unë mora një shkop për ta ndihmuar,” shkruan mjeku.
I emocionuar, ai tregon se ka qarë dhe e ka përqafuar qenin e tij për aktin e guximshëm.
“Ai është engjëlli im mbrojtës, miku im më i mirë. Do të zgjidhja gërvishtjet e tij një mijë herë para kafshimit të gjarprit. Faleminderit që ekziston, miku im,” përfundon ai.
Postimi:
Sot qeni im Leart mund të më ketë shpëtuar jetën.
Ai nuk më kafshonte kurrë, përveçse për qejf… por gjatë shëtitjes sonë të zakonshme drejt liqenit, ai filloi të sillej çuditshëm: më dha disa kafshime të mprehta, më kapi fort këmbën, dhembet e tij më gërvishtën. U ktheva ta qortoja, por ai filloi të më rrethonte, sikur donte të më mbante larg diçkaje.
Dhe kishte të drejtë.
Pikërisht pas meje, ishte një gjarpër helmues, një nga ate qe quhen kokebaker, gati për të sulmuar. Leart u vendos midis meje dhe rrezikut, u përball me të vetëm, duke më mbrojtur derisa arrita të merrja një shkop për ta ndihmuar.
Në atë moment e kuptova: qeni im rrezikoi jetën e tij për të më mbrojtur.
U ula me të, e përqafova fort dhe qava. Nuk kam dyshim: ai është engjëlli im mbrojtës. Më shumë se një qen… ai është miku më i mirë që dikush mund të dëshirojë.
Do të preferoja gërvishtjet e Leart sesa kafshimin e atij gjarpri një mijë herë më shumë.
Faleminderit që ekziston, miku im. 🐾
