Mitropolia e Shenjtë e Korçës ka bërë të ditur ndarjen nga jeta të Atë Kristaq Visos, priftit që disa ditë më parë u aksidentua duke rënë nga çatia e kishës ku shërbente.
Përmes një njoftimi zyrtar, Mitropolia ka shprehur ngushëllimet e saj për familjen dhe të afërmit, duke nderuar jetën dhe shërbesën e tij të përkushtuar.
“Sot fjeti në Zotin Ikonom Stavrofor Atë Kristaq Viso,” thuhet në mesazhin e Mitropolisë. “I lutemi Perëndisë që ta prehë shpirtin e tij në paqe dhe ta vendosë në gjirin e shenjtorëve.”
Atë Kristaq Viso mbahet mend si një shërbestar i devotshëm, i dashur për komunitetin e tij dhe gjithmonë i pranishëm në jetën shpirtërore të besimtarëve
