Përfaqësues të lartë nga Uashingtoni dhe Teherani do të diskutojnë sot programin e diskutueshëm bërthamor të Iranit në shtetin e Gjirit, Oman.
Në hapjen e dialogut, i cili ndërmjetësohet nga sulltani i Omanit, pritet të marrin pjesë i dërguari i posaçëm i SHBA-së, Steve Witkoff dhe ministri i Jashtëm i Iranit, Abbas Araghchi.
Sipas burimeve iraniane, bisedimet do të zhvillohen në mënyrë direkte përmes një ndërmjetësi, megjithëse mund të zhvillohet një takim i drejtpërdrejtë midis Witkoff dhe Araghchi.
Takimi në Oman, i vendosur në Gji, shënon përparimin e parë të rëndësishëm në vite në negociatat e ngecura mbi programin bërthamor të Iranit.
Presidenti i SHBA-së, Donald Trump e ka kërcënuar Iranin me veprime ushtarake nëse Teherani nuk bie dakord për një marrëveshje të re për të kufizuar programin e tij bërthamor.
Gjatë mandatit të tij të parë si president, Trump u tërhoq nga marrëveshja bërthamore iraniane që ishte negociuar nga paraardhësi i tij, Barack Obama.
