Ditën e sotme kandidati për deputet i Partisë Demokratike Flamur Noka ka zhvilluar takim me banorët në Kamëz.
Noka në takim ka hedhur akuza ndaj kryeministrit Edi Rama, duke e sfiduar lidhur me kushtet e jetesës në Kamëz. Ai tha se banorët e Kamzës jetojnë mes mungesës së energjisë elektrike dhe ujit.
“Ti themi Edi Ramës, a shkohet në Bruksel pa drita dhe pa ujë?
A mund t’u tregosh banorëve të Kamzës që sot ja ku i keni, bëjnë dritë me telefon, se s’kanë drita e ujë.
A mund t’u japësh ti pasaportë evropiane?
A e pranon ndonjë këtë?
Ja ku është realiteti i banorëve të Kamzës. Ja ku është mashtrimi që tund Edi Rama.”, tha Noka.
