Kryeministri Edi Rama ka theksuar se Partia Socialiste është forca e vetme që mund ta integrojë Shqipërinë në Bashkimin Europian, duke ironizuar ish-kryedemokratin Lulzim Basha.
Gjatë një deklarate për mediat, Rama tha se “kush do të bëjë negociatat, bufi i kënetës?” dhe theksoi se Basha krijon probleme sepse “e zë gjumi”.
Rama: Askush tjetër nuk mund ta bëjë dot, ne jemi forca e duhur në kohën e duhur.
Tani atje kanë rënë dakord të gjithë që të Shqipërinë do ta marrim në BE. Tani kush do të flasë me ata përgjatë këtyre 2 vite gjysmë, kush do të bëjë negociatat, bufi i kënetës do ta bëjë këtë punë? Mund ta bënte Luli, por Luli ma krijon problem se e zë gjumi.
E ngjalla, tani i bie fyellit në një vrimë dhe duhet orientuar, shkurt muhabeti këtë gjë, përtej shakave mund ta bëjmë vetëm ne dhe demokratët duhet ti bien lapsit e ta bëjnë për interesin e tyre, ta kapërcejnë këtë problem që kanë që “nuk e duan PS”.
