Shtresa e mesme është motori i çdo shoqërie të qëndrueshme. Kur ajo shtypet, vendi dobësohet. Kur ajo fuqizohet, kombi ringrihet.
Për 12 vite me radhë, shtresa e mesme është mbajtur nën presion me taksa të padrejta, inspektorë e kontrolle, dhe privilegje për miqtë e Edi Ramës. Ne do ta ndryshojmë këtë realitet rrënjësisht.
📌 Taksë e sheshtë 9% për të gjitha të ardhurat, sepse puna dhe iniciativa duhen shpërblyer, jo ndëshkuar.
📌 Zero taksa për biznesin e vogël deri në 14 milion lekë xhiro në vit.
📌 Tavani 1% i xhiros vjetore për taksat lokale, mjaft me arbitraritetin.
📌 Asnjë kontroll tatimor për biznesin e vogël.
📌 Eleminim i të gjitha privilegjeve fiskale për të ashtuquajturit “investitorë strategjikë”.
📌 Heqje e taksës Rama mbi karburantin 240 lekë për litër më pak në çdo faturë.
Ne besojmë në njerëzit që punojnë, që krijojnë, që prodhojnë. Shteti nuk duhet të jetë as pengesë, as barrë. Duhet të jetë garant i barazisë përpara ligjit, jo ortak i të fortëve.