Një konflikt ka shpërthyer në fshatin Gjashtë të Sarandës, ku disa persona janë përfshirë në një përleshje me sende të forta.
Dyshohet se motivet e këtij konflikti janë të dobëta. Në këtë ngjarje, kanë qenë të përfshirë edhe punonjës të Policisë, përveç qytetarëve të tjerë.
Si pasojë e përleshjes, dy persona kanë mbetur të dëmtuar dhe pas marrjes së ndihmës mjekësore në spital, ata janë shoqëruar në Komisariatin e Policisë Sarandë për veprime të mëtejshme.
Po ashtu, disa shtetas të tjerë, përfshirë punonjës të Policisë jashtë shërbimit, janë shoqëruar gjithashtu për të marrë deklarata dhe hetuar rreth ngjarjes.
Grupi hetimor dhe Agjencia e Mbikëqyrjes Policore (AMP) janë duke punuar nën drejtimin e Prokurorisë Sarandë për të zbardhur dhe dokumentuar plotësisht ngjarjen. Puna për identifikimin dhe shoqërimin e të gjithë personave të përfshirë vazhdon.
