Një mësues amerikan, banues në Tiranë, është arrestuar nga policia shqiptare nën akuzën e “Prodhimi dhe shitja e narkotikëve”. 32-vjeçarit Ashique Wahid, gjatë kontrollit fizik iu gjet një qese me kanabis dhe kjo ka bërë që policia të kryejë një kontroll edhe në banesën e tij.
Në ambientet e banesës, atij i janë gjetur dy qese me kërpudha të thata ngjyrë kafe të errët e gri, të cilat rezultuan të jenë lëndë narkotike psilocybin. Gjithashtu policia sekuestroi edhe qese me kërpudha të njoma, po lëndë narkotike psilocybin, si edhe një peshore elektronike.
Weblajm mëson se 32-vjeçari kishte dy vite në Shqipëri dhe punonte si mësues i gjuhës angleze në qendrën me iniciale “T.T.C”, e ndodhur në rrugën Him Kolli”, Tiranë.
Rrëfimi
Ai ka pohuar se në fakt është vetë përdorues narkotikësh prej 10 vitesh dhe se qesen me kanabis e kishte blerë në zonën e sheshit Uilson tek një i panjohur. Lidhur me kërpudhat e gjetura në banesën e tij, i arrestuari ka shprehur se ato i ka kultivuar vetë dhe se i përdorte për gatim.
