Qeveria britanike e Rishi Sunak njoftoi ditën e sotme dëbimin e atasheut ushtarak në ambasadën ruse në Londër.
Vendimi vjen me arsyetimin se atasheu ishte “një oficer i padeklaruar i inteligjencës” i Forcave të Armatosura të Moskës (GRU).
Masa vjen në sfondin e përshkallëzimit të tensioneve dhe sanksioneve të ndërthurura të shkaktuara nga lufta midis Rusisë dhe Ukrainës.
Zëdhënësja e Ministrisë së Jashtme ruse, Maria Zakharova tha se Rusia do t’i japë një “përgjigje të duhur” veprimit të Britanisë.
Ajo akuzoi gjithashtu Gjermaninë për përdorimin e miteve të pabaza për hakerat rusë për të përshkallëzuar tensionet dhe tha se vendimi i Berlinit të hënën për të tërhequr ambasadorin e tij për konsultime do të çonte në një përkeqësim të mëtejshëm të lidhjeve.
Në prill, një britanik u akuzua për aktivitet të supozuar armiqësor të synuar për të përfituar Rusinë, duke përfshirë gjoja se kishte rekrutuar të tjerë për një sulm me zjarrvënie në një pronë tregtare të lidhur me Ukrainën në Londër.
