Zona e Kaukazit fsheh peizazhe dhe mjedise shumë të veçanta, këtu disa popullata kanë ruajtur zakone unike dhe të lashta. Në Svanetia, një rajon historik i Gjeorgjisë, peizazhi mbizotërohet nga male të larta dhe lugina të thella. Këto vende pak të njohura fshehin thesare arkitekturore të tilla si shtëpitë kulla.
Në këto peizazhe malore fshatrat kanë kulla të ndërtuara në mesjetë. Një popullatë gjeorgjiane ende jeton këtu, e përbërë nga rreth 15,000 njerëz që flasin gjuhën tashmë të rrezikuar, Svanishten. Kullat qëndrojnë të larta në këto fshatra të vegjël. Në fshatin Ushguli ka kulla të shumta mesjetare, të vendosura në sfondin e livadheve alpine, mbi të cilat maja e madhe e malit Shkhara ngrihet në një lartësi prej 5068 m.
Svanët kanë gjuhën e tyre, ligjet e tyre, kultivojnë zakone dhe tradita mijëvjeçare. Një kulturë e virgjër e pasur me rituale, duke përfshirë nderimin e shpirtrave, kultin e pjellorisë, të ujkut dhe të demit, të muzës poetike me flokë të artë Dali. Legjenda e vellos së Artë lindi në këto rajone, e cila rrjedh nga një traditë vendase. Njerëzit kërkuan për pika ari në lumenj dhe përdorën lëkurat e deleve për të mbajtur sendet e çmuara, kështu që lëkurat e deleve u shndërruan në ar.
Shtëpitë e kulla mbushin lugina të tëra, përbëhen nga 4-5 kate dhe janë krijuar për qëllime mbrojtëse kundër të huajve dhe për luftime të brendshme midis familjeve të fshatit. Hyrja e kullës është në katin e dytë dhe aksesohej nëpërmjet një shkalle të lëvizshme, nuk kishin dritare por vetëm hapje. Banorët mund të strehoheshin në këto kulla edhe për periudha të gjata.
