Themistokli Gërmenji njihet si veprimtari i lëvizjes kombëtare e demokratike para dhe pas Pavarësisë së Shqipërisë.
Në 1892 ai mërgoi në vende të ndryshme ku u përfshi në veprimtari atdhetare.
Në vitet 1916-1917 u kthye në Shqipëri ku luajti rol të rëndësishëm për nënshkrimin e protokollit shqiptaro-francez të 10 dhjetorit 1916 me të cilin u shpall krahina autonome e Korçës.
Fitoret e Lëvizjes Kombëtare Shqiptare e bënë atë objekt goditjesh nga politikanë të huaj që mbanin qëndrim armiqësor ndaj Shqipërisë.
Ata trilluan ngjarje të rreme për veprimtarinë e tij si agjent i austro-hungarezëve, në bazë të të cilave u dënua me vdekje nga një gjykatë ushtarake franceze në Selanik ku u arrestua dhe pushkatua.
Në përkujtim të veprës së tij patriotike, koleksionisti korçar Mirgen Shamblli çeli një ekspozitë me materiale kushtuar Gërmenjit.
