Kuvendi i Shqipërisë miratoi të enjten një Rezolutë të përbashkët mes mazhorancës dhe opozitës për Kosovën, një akt ky që për gazetarin Lavdrim Lita, është tejet i vonuar.
Në studion e lajmeve në “Ora Neës”, Lita theksoi se ajo rezoltutë duhej të ishte miratuar minimalisht 3 javë më parë.
“Janë tri javë të humbura, Shqipëria dhe qeveria e ka bërë të vështirë për të bërë një rezolutë të përbashkët. Megjithatë duket se është e pavlefshme, pasi kryeministri Edi Rama ka qëndrime të kundërta me rezolutën në fjalë.
Ju e patë që fjalimi për pothuajse 90 minuta ai rikonfirmoi dhe njëherë tjetër tezat e tij për KFOR-in, marrëdhënien e tensionuar me Albin Kurtin, nuk dënoi apo të flasë për përfshirjen e Serbisë e kësaj tentative për të krijuar një Krime të vogël në Ballkan brenda Kosovës.
Pra kemi të bëjmë me një rezolutë e vonuar dhe deri diku e pavlefshme”, u shpreh ndër të tjera gazetari Lavdrim Lita.
