Lufta e shumëpritur mes Elon Musk dhe Mark Zuckerberg do të transmetohet drejtpërdrejt në internet. Siç zbuloi pronari i X, ose Twitter siç njihej deri vonë, ai dhe Zuckerberg do të përballen në një ndeshje në kafaz.
Madje, me një postim të tij, Musk ka treguar se të ardhurat do të shpërndahen për bamirësi për veteranët, ndërsa ka shtuar se gara do të transmetohet drejtpërdrejt në “X”.
Përveç kësaj, ai zbuloi disa detaje për gjendjen e tij fizike përpara ndeshjes, duke shpjeguar se ai “ngre pesha gjatë gjithë ditës”. “Nuk kam kohë për stërvitje, ndaj i sjell vetëm në punë”.
Deri më tani nuk është bërë e ditur data e ndeshjes. Musk e përshkroi atë si “një formë të civilizuar të luftës” dhe kur u pyet se cili ishte kuptimi i saj, ai u përgjigj: “Burrat gjithmonë e duan luftën”
