Nga Arif Rexhmati
Kur qytetarët janë pa ujë, pa drita, në mungesë totale të shërbimeve ndaj tyre, mosqeverisja e Edi Rames vazhdon eksperimentet dhe testimet e dështuara në kërkim të gjetjes e promovimit të një zëvendësi për “tavolinën e Safetit”!
Sot kur temperatura kalon 40°C, banorët e Zonës Industriale dhe Lagjja Bozhe në Kukës nuk kanë ujë. Kanali Ujitës i Uzinës për ditë të tëra nuk shkon në Nangë… sepse sepse shembulli i hajdutëve të Tiranes që vjedhin edhe fondet e IPARD-it, i nxit këta të Kukësit të kavërdisen me çfar u ngelet prej qeveritarëve. Në disa njësi administrative si Shishtaveci etj energjia elektrike është lluks ne dimër por edhe tani kur të përvëlon dielli…
Sot kur administrata shtetërore duhet të ketë një mobilizim maksimal për tu shërbyer qytetarëve por edhe vizitorëve të shumtë të sezonit veror, ndodh e kundërta, Kukësi sot është pa kryetar bashkie dhe pa strukturat e tjera qeverisëse dhe ato që janë, nuk janë efiçente….
Sikur të mos mjaftonte kjo gjendje amullie në Bashki, Njësi administrative apo edhe në Këshillin e Qarkut ( te cilin interesat meskine te PS-së e kanë futur në labirinthe pa dalje…), me vendim të qeverisë bëhet ngarkimi dhe shkarkimi i prefektit , në sherbim te politikës së oligarkëve për të ringjallur metastazat e nderprera nga kafshëria, zollumi dhe imoraliteti i kleptokratëve, që kjo qeveri dhe babloku i saj e shesin per triumf…
Mos e merrni per dobësi , urtësinë e qytetarëve të Kukësit. Me manikinët tuaj politik luani si të doni por me qytetarët fisnik të Kukësit nuk mund të talleni z. Rama!
