Gazetarja Ola Xama e cila ka publikuar fakte të reja nga dosja e Prokurorisë së Posaçme për inceneratorin e Tiranës, është vënë direkt në sulm nga kryebashkiaku Erion Veliaj, të cilat janë marrë shkas faktet e bëra publike nga dosja e inceneratorit.
Lidhur me këtë fakt, politologu Ilir Kalemaj, thotë në MCN live, se pikërisht për incenaratorin e Tiranës deri tani janë gllabëruar mbi 35 milionë € , teksa Arben Ahmetaj, u largua për të mos u bërë bashkëpunëtor i drejtësisë.
“Personin kryesor të cilin opozita shpreson të bëhet bashkëpunëtor i drejtësisë dhe të kallëzojë tërë zinxhirin komandues dhe bashkëpunëtorët e tij në qeveri, në fakt duket se nuk ka vullnet për ta bërë këtë gjë.
Pikërisht është larguar për të mos qenë bashkëpunëtor i drejtësisë për të mos qenë një person që i kallëzon shokët, thuhet se është në Angli, mund të jetë në Dubai, në një nga vendet që nuk lejon ekstradimin dhe nga ana tjetër zhvillimi i ri.
Është fakt që kemi gazetaren e radhës të kërcënuar të BIRN që zbulohet roli që ka kryetari i bashkisë Tiranë në këtë aferë i cili duket se Ahmetaj, sipas dokumenteve që ka dalë e ka refuzuar 2-3 herë shkresën e cila është krijuar me insistim nga kryetari i Tiranës, për inceneratorin e Tiranës, i cili përveç se ka gllabëruar deri në momentin që po flasim mbi 35 milionë € , nuk është ende në punë”.
Për Kalemaj, gjuha e urrejtjes e Veliaj ndaj gazetares Xama, është gjuhë e përsëritur e cila si e tillë cungon demokracinë ende hibride në Shqipëri.
“Ky është rast i përsëritur që kërcënon një gazetare duke e quajtur “vrasëse me pagesë” ka ndodhur disa here dhe kjo bëri që sekretari i përgjithshëm i Federatës Evropian të shtypit te dal publikisht dhe të dënoi publikisht aktin e kryetarit të Tiranës, duke qen ndër kryetarët më miqësor me mediat.
Kjo arrogancë e kryetarit të bashkisë dhe kjo gjuhë e helmatisur në mënyrë të përsëritur ndaj gazetarëve është një gjuhë e përsëritur dhe kjo është arsyeja që Shqipëria të ketë demokraci hibride”.
