Prokuroria e Vlorës ka mbyllur hetimet në lidhje me vdekjen e 7-vjeçares Joanda Avdiaj më 2 gusht të vitit 2022, në plazhin e Potamit.
Mësohet se i pandehur është marrë Arjan Tase, ish-shefi i komisariatit të Himarës, i cili e goditi atë me skaf teksa ishte në breg të detit.
Sipas dosjes, ndaj tij rëndon akuza e “Vrasjes së kryer në formën e dashjes indirekte”.
Hetuesit theksojnë se Tase teksa drejtonte një gomone në një zonë detare të ndaluar dhe e destinuar për pushues, ka goditur me helikat e motorëve vajzën e mitur, Jonada Avdia, duke i shkaktuar vdekjen e menjëhershme.
Tase ka pranuar autorësinë e krimit, duke kërkuar falje familjarëve të vajzës së mitur.
