1
Muhamet Rrumbullaku, Drejtor i Përgjithshëm i Policisë së Shtetit ka përgënjeshtruar deklaratat e Sali Berishës, i vet deklaruar muxhahedin në parlament, se serverat e sekuestruar në Manëz janë dërguar në Teheran.
Përmes një deklarate për media Policia e Shtetit mohoi se pajisjet e sekuestruara gjatë operacionit në kampin “Ashraf 3” në Manëz të Durrësit, janë dërguar jashtë shtetit.
Edhe pse Policia e Shtetit foli për disa media që kanë botuar në këtë tezë, në fakt nuk përmendën autorin e sajesës që quhet Sali Berisha, i cili duhet thënë se ka një debulesë për Drejtor Rrumbullakun dhe e ka ruajtur/mbrojtur disa herë për ngjarje të rënda, të pazbuluara, që ia mvesh Ardi Veliut (Don Bosko, Top Channel, etj).
Pavarësisht kësaj, Sali Berisha është bërë artizani i shumë sajesave, shpikjeve dhe trillimeve në jetën publike e politike, duke dëftyer veten si një mjeshtër i propagandës pa dobi.
Ai ka dëshmuar se është i pacipë. Nuk njeh miqësi apo kode nderi. Ai është marrë me gratë, familjen deri në 7 palë breza për të goditur kundërshtarin, duke e bërë të radhitet në panteonin e njerëzve më të shpifur të historisë politike shqiptare.
