Aktori i njohur Florjan Binaj, është treguar gjithmonë i gatshëm ndaj angazhimeve me kauza të veçanta e mbi të gjitha të rëndësishme që kanë të bëjnë me padrejtësitë në Shqipëri.
Këtë të fundit e kemi parë shpesh herë që të jetë në krye të protestave të organizuara për qytetarët, për të cilët qeveria shqiptare duket se ‘ka hequr dorë’.
Ditën e sotme, Binaj ka reaguar për padrejtësinë e qeverisë me studentët e mjekësisë, që duan t’i mbajnë “peng” 5 vite në Shqipëri, që t’u japin diplomën.
“Mbajtja peng 5 vite e studentëve të mjekësisë është kryekëput komunizëm nga i cili ata që sot qeverisin, duan të mburren që e rrëzuan.
Ky lloj kursimi prej bixhozxhiu, që veset e veta prej PPP-je i paguan sa qimet e kokës dhe të ardhmes së mjekësisë i vë lakun në fyt, nëse nuk shkundet tani me protesta, nesër do i mbajë peng 5 vjet studentët e gazetarisë që t’i shërbejnë qeverisë, studentët e arkitekturës, inxhinierisë, arteve etj.
Përveç kësaj, mendoj që po hidhet mjegull sepse ujqërit mjegull duan…”- shkruan Binaj.
