Nga Indrit Vokshi
Si dëshirë, do të dëshiroja që të kishim lider të ri e lidership të ri. Në 1 vit nga dorëheqja, fatkeqësisht askush nuk spikati, askush nuk dëshmoi ambicie e lidership. Po të kishte dëshmuar dikush nga Grupi Parlamentar, pa dyshim 51% kam qenë i prirur për ta mbështetur.
Dua të sqaroj se me Lulzim Bashën smë ka lidhur e smë lidh asnjë interes i ngushtë vetjak, interes ekonomik aq më pak. Kur ka qenë puna “për të ndarë fishat”, Basha nuk i la ndarë për mua, madje siç thuhet, ka modeluar listën e deputetëve në favor të të tjerëve, në disfavorin tonë. Mirëpo në politikë smund të jemi kalamaj, duhet të tejkalojmë egon personale dhe të ruajmë investimin e përbashkët, partinë.
Sot PD ka nevojë për lidership, smund të mbetet në kaos si siç mbeti gjatë gjithë kësaj kohe; pa kryetar funksional, pa kryesi funksionale, pa këshill kombëtar funksional, pa kryesi të degëve funksionale, pa financa, pa para. Urgjenca e emergjenca sot është funksionalizimi i partisë.
Kam rezervat e mira pa dyshim, u qëndroj të gjitha kritikave që kam shprehur por politika është llogari me realitetin, është kompromis. Dhe në llogari me realitetin, këto janë opsionet. Ne duhet të jemi lojtarë, jo naivë.
E bëj ketë qëndrim publik në respekt të miqve dhe ndjekësve. Smundem të rri “as këndej as andej”. Do të mundohemi të bëjmë më të mirën e mundshme, do të punojmë siç kemi punuar një dekadë. Shpresojmë që z.Basha dhe mentaliteti i tij të teklalohen shpejt dhe PD të gjejë më të mirën e saj.
