Temperaturat në rritje, oqeanet gjithnjë e më të nxehtë, shkrirja e akujve dhe nivelet rekord të larta të ndotjes së karbonit në atmosferë janë të dhënat alarmante që tregojnë se sa ekstreme është ndryshimi klimatik në botë.
Vetëm në gjysmë të vitit 2023 dhe të dhënat tregojnë se shumë rekorde klimatike po thyhen duke bërë që shkencëtarë të japin alarmin se është shenjë e ngrohjes së një planeti shumë më shpejt se sa pritej.
Brian McNoldy, bashkëpunëtor i lartë hulumtues në Universitetin e Miami Rosenstiel School of Detare, Atmosferic and Earth Science, e quajti rritjen e temperaturave të oqeaneve dhe ajrit “tepër shqetësuese”, raporton CNN.
Ai shtoi, “njerëzit që i shikojnë këto gjëra në mënyrë rutinore nuk u besojnë syve të tyre. Diçka shumë e çuditshme po ndodh.”
Shkencëtarë thanë se kjo ndodh për shkak edhe të fenomenit klimatik natyror El Niño, i cili ka një efekt të ngrohjes globale.
“Ne e kemi thënë këtë për një kohë të gjatë dhe ngrohja globale nuk do të ketë kthim pas derisa të bëjmë diçka për këtë”, tha Ted Scambos, shkencëtar në studimin e akullnajave në Universitetin e Kolorados
Ky vit është një nga më të nxehtit deri më tani, me të dhënat globale që tregojnë se temperaturat po rriten në nivele jashtëzakonisht të larta. Njëmbëdhjetë ditët e para të qershorit panë temperaturat më të larta të regjistruara për këtë periudhë të vitit me një diferencë të konsiderueshme, sipas një analize të kryer nga Shërbimi i Ndryshimeve Klimatike të Bashkimit Evropian, Copernicus.
Oqeanet gjithashtu po nxehen në nivele rekord dhe nuk tregojnë asnjë shenjë ndalimi. Sipas Administratës Kombëtare të Oqeanit dhe Atmosferës, muaji maj ishte maji më i nxehtë në histori për oqeanet në botë.
Akulli në Antarktik po bie në nivele të frikshme, ndërsa nivelet e dioksidit të karbonit në ajër shënuan një rekord të ri në muajin maj.
Bota është tashmë 1.2 gradë Celsius më e ngrohtë se sa ishte në kohët paraindustriale, dhe pesë vitet e ardhshme parashikohen të jenë më të nxehtat e regjistruara.
