Analisti i politikës z.Indrit Vokshi i ftuar në emisionin Zona Zero në Top News ka deklaruar se Partia Demokratike nuk është çështje individuale e Lulzim Bashës, prandaj edhe kur komentohet mbi PD, nuk kemi pse fokusohemi vetëm tek Basha.
“..z.Basha nuk është epiqendra, ose nuk kemi pse flasim personalisht dhe vetëm për z.Basha sepse aty janë 71 kryetarë degësh, të 71 degëve të Partisë Demokratike, janë mbi 20 anëtarë kryesie, janë mbi 100 anëtarë të Këshillit Kombëtar, të cilët mendojnë se Partia Demokratike është platforma e tyre për të bërë politikë dhe për ta shprehur veten politikisht. Pra nuk është çështje personale e Lulzim Bashës se çfarë do të bëjë Lulzim Basha.
Moderatorja: Por sot është pa kryetar kjo Parti Demokratike?
Indrit Vokshi: Ky është edhe problemi politik. Sepse kemi një strukturë politike e cila prej marsit të vitit 2022 e cila funksionon pa kryetar, që është anomali. Ndodhi aksidenti politik ku z.Basha dha dorëheqjen dhe një strukturë politike nuk është fort normale të rrijë kaq gjatë pa kryetar dhe pa rinovim të strukturave të partisë. Partia Demokratike mori rezultat katastrofë në zgjedhjet e 14 majit, them katastrofë për këshillat bashkiakë, sepse nuk kishte kryetar funksional, nuk kishte kryesi funksionale, nuk kishte Këshillin Kombëtar funksional, nuk kishte kryesitë e degëve në funksion, nuk shpenzoi para dhe financa, dhe megjithatë mori 124 mandate për këshillat bashkiakë. Por duhet të kishte marrë 224 ose 300 mandate, nëqoftëse forumet e saj do të ishin efiçente, funksionale dhe të angazhuara. Dhe ata të cilët kërkojnë të vihen në punë dhe të funksionalizohen forumet, janë qindra demokratë, qindra eksponetë të cilët kanë të drejtë ta kërkojnë ketë“.
