Themeluesi rus i grupit mercenar Wagner, Yevgeny Prigozhin, pas një sërë përplasjesh me udhëheqjen ushtarake ruse ka bërë një deklaratë të fortë, duke thënë se forcat pro-ruse po përpiqen të hedhin në erë njerëzit e tij.
Në postimin e tij në Telegram, Prigozhin pretendon se njerëzit e tij zbuluan dymbëdhjetë pika në pjesën e pasme ku zyrtarët e Ministrisë së Mbrojtjes kishin vendosur pajisje të ndryshme shpërthyese, duke përfshirë qindra mina antitank. Kur u pyetën pse, ata i thanë se ky ishte urdhëri që kishin marrë nga eprorët e tyre.
“Nuk ishte e nevojshme që ata të vendosnin këto eksplozivë për të penguar armikun pasi kjo zonë ishte në pjesën e pasme. Prandaj, mund të supozojmë se këto eksplozivë ishin të destinuara për njësitë e përparme të Wagner”, tha ai.
Anëtarët e Wagner pothuajse janë tërhequr nga qyteti lindor i Ukrainës, Bakhmut, pasi pushtuan pjesën më të madhe të tij muajin e kaluar, duke pësuar viktima të rënda. Ata ia dorëzuan pozicionet e tyre njësive të ushtrisë së rregullt ruse, ndërsa akuzuan se nuk u përkrahën gjatë luftës së tyre siç iu ishte premtuar.
Nga ana tjetër Inteligjenca ushtarake ukrainase monitoron vendndodhjen në kohë reale të Vladimir Putin dhe Eugene Prigozhe, sipas zëdhënësit Andriy Jusov, i cili tha se “megjithë përpjekjet për të fshehur këtë informacion dhe përdorimin e supozuar të teknologjive të ndryshme, duke përfshirë sozitë nga liderët rusë, nuk është diçka që mund të fshihen”.
“Sa i përket vendndodhjes së tyre, sigurisht që ne e dimë”. “Putini është i ruajtur, ai është një person i ruajtur mirë dhe Prigozhin sillet ndoshta më lirshëm në mesin e establishmentit rus,” tha Yusov.
“I gjithë ky informacion është i njohur për ne dhe partnerët tanë dhe shpesh monitorohet në kohë reale.
Megjithatë, Yusov këmbënguli se autoritetet ukrainase aktualisht nuk kanë plane për të vrarë as Prigozhin dhe Putin.
