Mbledhja e Komisionit të Ankimeve dhe Sanksioneve është përfshirë nga debati pasditen e sotme pasi Partia e Lirisë kërkoi që në fletën e votimit të vendosej emri i Sali Berishës në krah të emrit të koalicionit.
Ilir Rusmali, ish-ministër dhe zv/ kryeministër i Sali Berishës e ironizoi liderin historik të demokratëve për faktin që Ilir Meta kërkoi që në fletën e votimit të vendosej emri i aleatit të tij.
“Ne duhet të jemi të qartë për raportin juridik. Faktin që politikisht koalicioni udhëhiqet nga Berisha kjo është publike. Nuk themi gjë.
Ne u trembëm se thamë mos Berisha, është bërë mbledhje e forumeve të PL-së dhe është shkarkuar Meta dhe është emëruar Berisha në krye të PL-së. Këtë e eliminojmë se raport juridik mes Berishës dhe PL-së nuk ka. U trembëm” tha ai me ironi.
