Ish-presidenti Donald Trump është vënë në gjendje arresti përpara se të dalë në gjyq për t’u njohur me akuzat që rëndojnë ndaj tij.
Akuza për Donald Trump: ka paguar 137 mijë dollarë ish pornostares Stormy Daniels për të heshtur me fonde të fushatës. Kjo është e paligjshme në SHBA.
Siç shkruante Aleksis Tokevil, i vetmi pushtet në SHBA janë gjyqtarët (magjistratët). Në SHBA respektohet Kushtetuta (1787) dhe Bibla. Kulti i ligjit ka qenë zgjedhje për një popullatë heteorogjene emigrantësh/pelegrinësh. Për tu bërë qytetar amerikan para të gjithash duhet ti përgjigjesh pyetjeve rreth Kushtetutës.
Gjykata supreme, gjyqsori federal, magjistratët janë mbrojtësit e Ligjit. Politika si pushtet është e varur nga pushteti i Gjykatave që mund të anullojnë ligje. Arbitri mes Politikanëve dhe Ligjit është Kongresi.
Në SHBA përkundër Europës dhe Lindjes së Mesme nuk i pranojnë aristokratët dhe politikanët garojnë me njëri tjetrin të jenë “si të gjithë të tjerët”, qytetarë të thjeshtë që të japin dorën, që përballen me shtetin dhe ligjin.
