Kryekomisioneri Ilirjan Celibashi ka regjistruar Partinë Demokratike me kryetar të komanduar Enkelejd Alibeajn në zgjedhjet e 14 majit.
Celibashi tha se vendimi i dhënë nga KAS për regjistrimin e Partisë Demokratike në zgjedhjet lokale e detyron atë si kryekomisioner ta zbatojë vendimin e marrë.
“Në lidhje me vendimmarrjen time pasuese si komisioner s’kam shumë për të thënë veç faktit që ky vendim i KAS mbetet për t’u zbatuar nga Komisioneri Shtetëror pasi tej çdo diskutimi e pikëpamje është akti i një organi të parashikuar nga ligji për të vendosur për çështje të tilla e sa kohë ky organ ka vendosur regjistrimin si subjekt zgjedhor të PD, ngelet thjesht aplikimi e zbatimi i këtij vendimi”, tha Celibashi.
