RUSI- Presidenti kinez Xi Jinping po planifikon të udhëtojë në kryeqytetin rus, Moskë, për të takuar homologun e tij, Vladimir Putin, javën e ardhshme.
Ministria e Jashtme e Kinës nuk iu përgjigj kërkesës për koment dhe Kremlini nuk pranoi të komentonte lidhur me takimin e planifikuar, shkruajnë mediat e huaja. Nuk dihen ende detaje lidhur me njoftimin e bërë apo axhendën e vizitës dhe takimeve në Moskë të kreut të shtetit të Kinës. Burimet e informuara për këtë çështje nuk pranuan të identifikoheshin duke pasur parasysh ndjeshmërinë e çështjes.
