Arrestohet 24-vjeçari i cili mbrëmjen e së enjtes, teksa po drejtonte automjetin e tij te kryqëzimi i “Vasil Shantos” në Tiranë ka goditur tre makine të tjera duke shkaktuar katër të plagosur.
Sipas njoftimit të bluve të kryeqytetit mësohet se shtetasi me ininciale A.Q, banues në Has, ka goditur tre automjete të tjera, duke lënë të plagosur katër persona të cilët fatmirësisht ndodhen jashtë rrezikut për jetën.
Kujtojmë, se aksidenti i rëndë ndodhi mbrëmjen e kaluar rreth orës 21:30, te kryqëzimi i “Vasil Shantos”, Si pasojë e aksidentit u dëmtuan drejtuesi i automjetit shtetasi E. M., dhe pasagjerët e automjeteve, shtetasit A. S., J. Q., A. P., dhe E. M.,.
Njoftimi:
Specialistët e Qarkullimit Rrugor arrestuan shtetasin:
AQ., 24 vjeç, banues në Has, Kukës, pasi duke drejtuar automjetin, te “Komuna e Parisit”, ka goditur 3 automjete të tjera.
Si pasojë e aksidentit kanë mbetur të dëmtuar 3 drejtuesit e automjeteve dhe një pasagjere, të cilët ndodhen jashtë rrezikut për jetën.
