Deputeti i PD, Dashnor Sula, ka folur me emra sot nga Kuvendi, duke thënë se oligarkët në vendin tonë janë në krahun e mazhorancës dhe se përfitojnë koncensione prej qeverisë.
Sula shtoi se oligarkët deri dje i kishte mazhoranca jonë, sot i keni ju. Ai i ka pyetur deputetët e mazhorancës socilalist: Kush e ka Samir Manen more zotëri?
Është oligarku juaj që përfiton koncensione? Ku është Salillari? Ai që ndërtoi kulla pa leje? Është pranë jush, ku është Bashkim Ulaj, që ka marrë sërish koncensione?
Fjala e deputetit Sula:
“U fol për arbitrazhin këtu, po more po… kur keni dashur nuk keni pyetur dhe i keni prishur ato kontrata dhe qerasnin Bechetin. E njëjta gjë është dhe firma e rrugës së Elbasanit. Shembët pallate sipas interesave tuaja.
Sa janë drejtorët dhe ministrat e tjerë të cilët janë për burg? Këto pra janë provat e vërteta. Dhe ju thoni, ose kryeministri thotë ‘po mirë more ai SPAK vetëm peshk nga ana jonë kap?’.
Po, po, i kishit të gjithë në dorë në 2013 kur morët pushtetin, i kishit të gjitha mundësitë, se ishte qeverisja juaj, pse nuk i çuat ju para drejtësisë ministrat, drejtorët e korruptuar, të cilët kishin bërë koncesione? Po sigurisht sepse kishit interesa dhe ishin të lidhura interesat.
Sa për merakun sa i përket oligarkëve. Po zotëri deri dje i kishte mazhoranca jonë, sot i keni ju. Kush e ka Samir Manen more zotëri? Është oligarku juaj që përfiton koncensione? Ku është Salillari? Ai që ndërtoi kulla pa leje? Është pranë jush.. ku është Bashkim Ulaj, që ka marrë sërish koncensione?
Këto janë interesat që keni , meqë kishit merak, i folëm me mera. Në nuk kemi frikë, ne nuk kemi lidhje me oligarkë. Rruga që keni nisur do jetë shumë e vështirë. E vetmja rrugë që do ta shpëtojë këtë vend është drejtësia, SPAK”, u shpreh ai.
