Ish-zyrtarja e Kryeministrisë, Alda Klosi do të dalë sot para Gjykatës së Tiranës, ku do t’i komunikohet masa e sigurisë. Aktualisht Klosi ndodhet në spital, pas problemeve shëndetësore që shfaqi pas arrestimit ditën e premte, ndërsa masa e sigurisë do i jepet aty.
Masa për Klosin pritet të jepet sot në orën 10:30. Ndërkohë, dje u mor në pyetje dhe pastruesja Rozeta Dobi, e cila akuzohet se ka vjedhur një shumë të madhe parash në banesën e Klosit, ndonëse ajo më vonë pohoi se ish-zyrtarja ia kishte kërkuar që t’i ruante në banesën e saj.
Alda Klosi akuzohet për pastrim parash, fshehje pasurie dhe për deklarim të rremë para oficerëve.
