Agjencia rregullatore franceze për mbrojtjen e të dhënave (CNIL) ka gjobitur TikTokun me pesë milionë euro për politikën e ‘cookies’ që u imponohen përdoruesve pa shpjegime të duhura.
Aplikacioni, i cili është në pronësi të kompanisë kineze ByteDance, ishte subjekt i mbikëqyrjes së CNIL nga viti 2020 deri në vitin 2022. CNIL zbuloi se mekanizmi i refuzimit të ‘cookieve’ është kompleks në një mënyrë të tillë që praktikisht i bind përdoruesit të pranojnë të gjitha skedarët.
‘Cookies’ që lejojnë një aplikacion të gjurmojë të dhënat e përdoruesit shpesh shërbejnë për një funksion të dobishëm, por në duar të gabuara teorikisht mund të shkelin privatësinë sepse në thelb gjurmojnë aktivitetet e njerëzve në internet.
CNIL doli në përfundimin se politika e TikTokut për ‘cookiet’ ishte kundër Aktit Francez të Mbrojtjes së të Dhënave, sepse “shkel lirinë e pëlqimit të përdoruesve të internetit”.
