Guvernatori i Bankës së Shqipërisë, Gent Sejko, iu përgjigj interesit të bizneseve për rënien e euros, gjatë konferencës së sotme “E ardhmja e ekonomisë”, të organizuar nga revista Monitor.
Guvernatori Sejko tha se kjo tendencë e kursit të këmbimit në Shqipëri lidhet me prurjet e mëdha të euros. “Për këtë çështje ka shpesh debate, dhe dua të jemi realistë dhe të hapur, veçanërisht kur flasim për paratë me origjinë të paligjshme. Si Bankë Qendrore, ne nuk mund t’i matim drejtpërdrejt këto flukse, pasi bilanci i pagesave na jep të dhëna të tjera. Ato nuk rezultojnë të pastrohen përmes sistemit bankar. Mund të ketë elemente të veçuara, por në përgjithësi sistemi bankar është i mirëkontrolluar dhe i mbikëqyrur, jo vetëm nga institucionet shqiptare, por edhe nga ato ndërkombëtare.



