Ilir Topi, drejtori i Fondit të Sigurimit të Detyrueshëm të Kujdesit Shëndetësor, ka dhënë dorëheqjen nga detyra, pas vetëm 4 muajsh në krye të institucionit. Topi e mori drejtimin e Fondit në muajin maj, pas dorëheqjes së Arti Papajanit.
Në vend të tij pritet të emërohet Suela Popa Tavo, bashkëshortja e Vangjel Tavos, kryebashkiakut socialist të Himarës. Ndryshimi në drejtimin e Fondit vjen në një periudhë të shkurtër nga emërimi i Topit në këtë post.
Kalimi i drejtimit te Suela Tavo pritet të formalizohet pas përfundimit të procedurave përkatëse. Vendimi për emërimin e saj do të bëhet zyrtar pas përfundimit të procesit institucional.
Bashkëshortja e kryebashkiakut të Himarës vjen në këtë detyrë pas përfundimit të mandatit në Këshillin Mbikëqyrës të Bankës së Shqipërisë. Duket se Tavos i është bërë qoka e radhës, duke i dhënë në dorë gruas së tij çelësat e FSDKSH-së.
