Spanja po përjeton një periudhë të rëndë pas një serie aksidentesh hekurudhore që kanë shkaktuar dhjetëra të vdekur dhe të plagosur.
Pas tragjedisë në Antamuth më 18 janar, ku humbën jetën 42 persona, dy aksidente të tjera janë regjistruar në Katalonjë.
Më 20 janar, një tren periferik pranë Barcelonës u përplas me një mur mbajtës, duke lënë një të vdekur dhe 37 të plagosur. Po të martën, një tjetër tren doli nga shinat në Gironë, por fatmirësisht pa viktima.
Hetimet për aksidentin në Antamuth po shqyrtojnë mundësinë e defekteve në infrastrukturën hekurudhore ose trenin. Ministri i Brendshëm, Fernando Grande-Marlaska, tha se janë duke u bërë analiza të mëtejshme për të zbardhur shkaqet dhe për të parandaluar përsëritjen e ngjarjeve të tilla.
