Në një lavazho në lagjen “Hajro Çakërri” në Vlorë, ka shpërthyer një konflikt i dhunshëm me sende të forta, ku janë plagosur 4 persona.
Njëri prej tyre, shtetasi K. H., rreth 20 vjeç, u plagos me thikë dhe ndodhet në spital jashtë rrezikut për jetën. Të tjerët, R. Y., R. M., dhe D. I., u lënduan me sende të forta dhe morën ndihmën mjekësore.
Autori i dyshuar, A. B., është në arrati dhe policia është angazhuar për ta kapur. Grupi hetimor po punon për zbardhjen e ngjarjes.
