Nga bllokimi rrugëve dhe molotovët drejt Kryeministrisë, PD duket se tani ka zhvendosur protestat para Prokurorisë së Posaçme. Si ai, ashtu dhe Meta po tentojnë të mbajnë nën presion organin e akuzës, me shpresën se petku politik do t’i shpëtojë nga ndëshkimi.
Nesër Sali Berisha do të duhet të shkojë sërish në SPAK. Gjykata vendosi që ai të paritet të hënë e parë dhe të tretë të çdo muaji dhe ai nesër ka radhën për të firmosur te oficeri i policisë gjyqësore.
Por ashtu si të hënën e parë të muajit, edhe nesër Berisha ka mobilizuar demokratët të mblidhen poshtë zyrës së Dumanit.
“Të dashur miq. Ditën e hënë është data e radhës, e përcaktuar për t’u paraqitur kryetari i PD, Prof Dr. Sali Berisha në SKAP. Ndaj në orën 9:30 përsëri të gjithë në protestë përpara SKAP-it si vegël në duart e Ramës për të përndjekur kundërshtarët politikë”, thuhet në një mesazh që u është dërguar strukturave të PD.
