Në Gjykatën Kushtetuese janë prezantuar disa padi kundër ndryshimeve të Kodit Zgjedhor, të miratuara në muajn korrik me konsensus mes Edi Ramës dhe Sali Berishës, votim që mbylli përfudimisht listat e deputetëve.
Dy javë para seancës të caktuar nga Gjykata Kushtetuese për shqyrtimin e padive, Kuvendi i Shqipërisë ka prezantuar një kërkesë për shtyrjen e datës së seancës.
Në një komunikim drejtuar avokatit të mirënjohur Jordan Daci, i cili përfaqëson grupimin e drejtuar nga Lulzim Basha, kreu i Demokratëve Euroatlantikë, Gjykata Kushtetuese njofton se ka pranuar kërkesën e Kuvendit të Shqipërisë, duke e shtyrë seancës plenare publike në datën 4 dhjetor 2024.
Në shkresën e Gjykatës Kushtetuese nuk janë dhënë detaje për arsyet pse Kuvendi ka kërkuar shtyrjen e seancës, megjithatë kërkesa për shtyrje tregon mungesën e përgatitjes për të mbrojtur përballë qytetarëve një vendim anti-popullor që u heq votuesve të drejtën për të zgjedhur përfaqësuesit e tyre.
