Nga Basir Çollaku
SPAK Muxhahedinët, 2500 terroristë të paarrestruar?!
2500 refugjatë muxhahedinë në Manëz, në Durrës, në akuzë për terrorizëm e financim terrorizmi, por ende nuk ka asnjë të arrestuar?!
Prokuroria e Posaçme heton edhe ngjarjet në Iran, natyrisht duke nxituar të përmbushë porosi sa pushteti aq edhe diplomatike, por ndërkohë provat janë vetëm hamendësime gazetash të huaja dhe ende nuk ka asnjë emër konkret të dyshuar dhe akuzuar për veprën penale të pretenduar. SPAK nuk saktëson se kush janë personat, drejtuesit, individët, cilat janë pajisjet, kur kanë hyrë në kamp, kush ka mundësuar ardhjen e tyre. As kush e ka kryer këtë veprimtrari dhe nëse mes këtyre refugjatëve ka hakera, njerëz të kualifikuar për të kryer këto veprime kibernetike. Në Prokuroria ka kallzime të bërë nga persona brenda kampit dhe në disa raste janë zbuluar ngjarje jo pak të rëndësishme për drejtësinë. Janë marrë nga oficerët rreth 80 të ashtuquajtur server, por në asnjë rast nuk është mbajtur një inventor, apo procesverbal, të cilin duhet tua kenë lënë palëve të dyshuara, apo përfaqësuesve të tyre ligjorë, për të saktësuar numrat e serisë së pajisjeve, të cilat rastësisht mund të ngatërrohen në magazinat e hetuesve më vonë me ndonjë pajisje me telashe teknike. Duket se sipas akuzës , dyshimeve të tanishme ka akza të rënda, për provokim lufte, terrorizëm, financim terrorizmi, ndonëse refugjatët muxhahedinë të MEK në Ashraf 3 në Durrës, mbahen e trajtohen nga organizata humanitare, kryesisht UNCHR. Akuza nuk përmend dyshimet se ku janë paratë e përdorur prej tyre për të financuar terrorizmin. Aq më tepër këto akuzohen edhe për veprime sulme kibernetike ndaj shtetit të Iranit duke bërë Shqipërinë një shenjestër të mundshme. 2500 iranianët e mbetur ende nën këtë akuzë kolektive, përbëjnë një rrezik. Mbetet ose të dërgohen në qeli, ose të largohen nga Shqipëria, ose të vijojë përdorja diplomatike e tyre. Në Francë, Gjermani, Angli, ku ka komunitetet të mëdha të muxhahedinëve, në këtë periudhë së paku, nuk pretendohet të ketë akte të tilla si lidhjet në Shqipëri.
Vendimi i plotë i Gjykatës së Posaçme
Me 19 qershor Gjykata e Posaçme me vendimin nr 262, referuar procedimit penal nr 130 të Prokurorisë, mbi aktet e dërguara nga Drejtoria e Përgjithshme e Policisë së Shtetit, lejon bërjen e një kontrolli në kampin e refugjatëve muxhahedinë në Manëz, duke përcaktuar me emra, ndoshta si asnjëherë tjetër në praktikën gjyqsore, se kush do të ishin oficerët e policisë gjyqsore dhe asaj të shtetit që do të bënin kqyrjen e objektit të kontrollit.
Vepra penale për të cilat prokuroria heton ndonëse nuk ka emra konkretë të pandehurish apo akuzuarish cilësisht, janë
Provokim i luftës
Përgjim i paligjshëm i të dhënave kompjuterike
Ndërhyrja në të dhënat kompjuterike
Ndërhyrje në sistemet kompjuterike
Keqpërdorimi i pajisjeve
Sipas akuzës
Dyshohet se nga organizata “MEK”, organizata e Muxhahedinëve të Popullit të Iranit, nga territorit të Republikës së Shqipërisë ka kryer sulme kibernetike ndaj Republikës Islamike të Iranit në disa periudha të ndryshme kohore si dhe drejt disa institucioneve në shtetin Iranian. Ndër të tjera në vendim thuhet se “…Republika Islamike e Iranit, në vazhdimësi ka pretenduar duke ngritur këto dyshime si dhe në mënyrë të vazhdueshmë kërcënon se do të marrë sulme ndaj Shqipërisë dhe organizatës MEK. Po ashtu Republika Islamike e Iranit ka kryer sulme kibernetike ndaj Shqipërisë, përpara disa kohësh gjë e cila ka cënuar seriozisht sigurinë kibernetike dhe integritetin kibernetik të shtetit shqiptar…”
Hetimi për këtë procedim ka nisur nga monitorimi i bërë rrjeteve sociale nga njësia “C” hetimi krimit kompjuterik, ku ka rezultuar se me datë 08/05/2023 në faqen e internetit me emërtimin “Anadolu Ajansi” dhe em adresë …https:http://xn--cdaaa.aa.com.tr/en/middle-east/irans-foreign-ministry-confirms-cyberattack-but-denies-leak-of-documents/2891575..është publikuar një artikull në gjuhën angleze me titull “Ministria e jashtme e Iranit konfirmon sulmin kibernetik por mohon rrjedhjen e dokumenteve dhe artikulli vijon si më poshte:
Ministria e jashtme e Iranit të dielën vonë konfirmoi një sulm kibernetik në faqen e saj të informacionit, por mohoi raportet për rrjedhjen e dokumenteve dhe të dhënave. Naser Kamani, zëdhënësi zëdhënësi i Ministrisë së Jashtme, tha se faqja e informacionit të minsitrisë ishte hakuar por “masat e nevojshme” u morën menjëherë për të rivendosur faqen e internetit Ai megjithatë mohoi pretendimet që qarkullonin në mediat sociale për rrjedhjen e dokumenteve dhe bazave të të dhënave si dhe hakerimin e serverave dhe sistemeve të ministrisë. Zëdhënësi theksoi gjithashtu se infiormacioni dhe imazhet e publikuara në emër të Ministrisë së Jashtme të iranit në hapsirën kibernetike janë të “rreme dhe të pabazuara” . Me herët të dielën një grup hakerash iranianë, që e quan veten “Ghiam Sarnegouni” (Kryengitja deri në Përmbysje), pretendoi se kishte sulmuar serveret dhe dhe bazat e të dhënave të ministrisë duke hequr 210 faqe internet dhe duke rrjedhur 50 TB të dhëna Sipas raportimeve, grupi i hakerave është i lidhur me grupin opozitar iranian, me bazë në Shqipëri, MEK. Grupi është cilësuar si një “organizatë terroriste” nga Republika Islamike Hakerat publikuan një sasi të madhe dokumentashkarta identiteti, procesverbale takimesh si dhe numra telefoni të punonjësve të ministrisë, në kanalin Telegram të grupit. Dokumentet e lëshuara përfshinin korrespondencë mes zyrtarëve iraninaë dhe evropianë mbi marrëveshjen e shkëmbimit të burgjeve midis Iranit dhe Belgjikës e cila do të lirojë respektivisht diplomatin iranian Asodollah Assadi, dhe punonjësin belg të ndihmës Olivier Vandecasteele. Nuk është hera e parë që ky grup hakerash pretendon sulme kibernetike në faqen e internetit që i përkasin institucioneve qeveritare iraniane. Në qershor 2022 ajo pretendon se kishte hakaur mijëra kamera sigurie si dhe faqe internet që i përkisnin Bashkisë së Teheranit.
Me datë 07/05/2023 në faqen e internetit me emërtimin “Iran International” është publikuar një artikull në gjuhën angleze me titull “”Hacktivistët synojnë Ministrinë e jashtme të Iranit rrjedhje e të dhënave” dhe artikulli vijon si më poshte:
Grupi hacktivist, Kryengritja deri në Përmbysje, lidhur me grupin opozitarë me bazë në Shqipëri MEK, publikoi qindra dokumente identifikimi procesverbale të takimeve, korrespopndencën e ministrisë, numrat e telefonit të zyrtarëve të ministrisë, dhe emrat e 11.000 punonjësve të Ministrisë së Jashtme, ndër të tjera sipas kanalit Telegram, të hakerave, të gjithë faqet e lidhura me ministrinë, si ambasadat e Republikës Islamike, dhe organizata e lidhura ishin në shenjestër, duke treguar një faqe me foto të liderve të MEK si dhe foto të liderit supreme Ali Khamenei dhe presidenti Raisi me kryq të kuq mbi ta. Gjithashtu në faqe kishte slogane “Vdekje Khamenei-t” dhe “Të fala Rajavit” liderit aktual të grupit opozitar. “Në Iran po zhvillohet një revolucion i madh. Kryengritja do të vazhdojë deri sa të shembet pallati i shtypjes. Revolucioni demokratik i Iranit do të jetë fitimtar..” thuhet në mesazhin në faqe. Shumica e faqeve u myllën mesidtën e së dielës “Kryengritja deri në Përmbysje” tashmë kishte hakaur dhe çaktivizuar disa faqe interneti dhe shërbime të regjimit. Në qershor 2022, ajo hakoi 5000 kamera sigurie të organeve shtetërore dhe 150 faqe interneti që i përkisnin Bashkisë së Teheranit duke shfaqur slogane të ngjashme në faqet e internetit dhe duke lëshuar të dhëna të brendshme. Hakimi vjen pas një sulmi tjetër kibernetik në mars në portalin e Ministrisë së Kulturës, dhe Udhëzimit Islamik dhe faqet e internetit të lidhura me të, duke treguar fotot e Rajavis, dhe duke bërë thirrje për vdekjen e liderit suprem të vendit. Qe nga fillimi valës aktuale të protestave në mes të shtatorit, disa grupe hakerash kanë shenjestruar faq internet shtetërore dhe shërbimet onlineAta kanë nxjerrë dokumente të shumta dhe kanë prishur qindra kamera vëzhgimi. Dokumentet e zbuluara të dielën zbuluan gjithashtu përpjekjet dhe korrespondencën e vazhdueshme të Republikës islamike me zyrtarët evropianë për të finalizuar një marrëveshje për shkëmbimin e të burgosurve me Belgjikën e cila do të lironte diplomatin iranian të burgosur Asadollah Assadi në këmbim të punonjësit të ndihmave belg Olivier e Vandecasteele. Gjykata Kushtetuese belege mbështeti një traktat të shkëmbimit të të burgosurve me Iranin në mars, që mund të rezultojë në shkëmbimin e Assadit me Vandecasteele. MEK ndërmori një fushatë të ashpër kundër marrëveshjesduke sfiduar ekstradimin. Ish-atasheu i Ambasadës iraniane Asadollah Assadi 51 vjeç aktualisht po vuan një dënim 20 vjeçar në Belgjikë për tentativë vrasjeje dhe përfshirje në terrorizëm për rolin e tij në planifikimin e një sulmi me bombë gjatë një ngjarje të MEK pranë Parisit në vititn 2018. Asad i vetmi diplomat iranian i nxjerrë ndonjëherë në gjyq në Evropë për përfshirje të drejtpërdrejtë në terrorizëm u arrestua në Gjermani, ku nuk gëzonte imunitet diplomatik, gjatë kohës që ishte me pushime. Autoritetet gjemrane më vone e ekstraduan Asadin në Belgjikë. Ai ishte një diplomat në ambasadën e Iranit në Austri. Forcat e sigurisë në Iran, arrestuan punonjësin e ndihmës Olivier Vandecasteele 41 vjeç, i cili ka punuar në një sërë agjencish humanitare të paktën nga vitit 2006. Në janar gjyqsori i Republikës Islamike, dënoi Vandecasteele që u arrestau në vititn 2002, me 40 vjet burg dhe 74 kamxhikë për “Spiunim dhe bashkëpunim me Shtetet e Bashkuara, pastrim parash dhe kontrabandë të 500.000 dollarëve nga Irani.” Irani është akuzuar për arrestim të paligjshëm të së paku një duzinë shtetasish të huaj dhe të dyfishtë me akuza të sajuara efektivisht si pengje për të nxjerrë lëshime nga qeveritë perëndimore. Shumica e tyre mbahen në akuza të rreme për spiunazh.”
Me datën 18/05/2023 janë përpiluar aktet si më poshtë
Procesverbal për kqyrjen e të dhënave në internet me emërtimin “Anadolu Ajanis”
Procesverbal për kqyrjen e të dhënave në internet me emërtimin “Iran International”
ku nga këqyrja e këtij artikulli rezultoi që:
“Grupi në rrjetin social Telegram me emërimin “Kryengritja deri në Përmbysje” i lidhur me grupin opozitar me bazë në Shqipëri MEK, publikoi qindra dokumente identifikimi, procesverbale të takimeve, korrespondencën e ministrisë, numrat e telefonit të zyrtarëve të minsitrisë, dhe emrat e 11.000 punonjësve të Ministrisë së Jashtme, Ndër të tjera sipas kanalit Telegram të hakeravetë gjithë faqet e lidhura me ministrinë si ambasada e Republikës islamike dhe organizata e lidhura ishin në shenjestër duke treguar një faqe me foto të liderve të MEK si dhe fotot të liderit supreme të Iranit Ali Khamenei dhe presidentit Raisi me kryq të kuq mbi ta.
Procesverbali për kqyrjen e të dhënave të internetit në rrjetin social Telegram me emërtimin ….@ghyamsarnegouni…Nga kqyrja në këtë grup në këtë rrjet socialrezultojnë të postuar disa dokumenta dhe video të dyshuara të hakeruaranga sistemet kompjuterike qeveritare të Republikës Islamike të Iranit
Procesverbal për kqyrjen e të dhënave të internetit të rrjetit social Telegram të emërtuar “Justice Homeland” Nga postimi i bërë në këtë rrjet social me datë 16/05/2023 janë publikuar emailet e punonjësve të Ministrisë së Jashtme të Shqipërisë, si dhe ndër të tjera edhe një fotot me mbishkrimin “Sipas të dhënave të publikuara në faqen e MEK-ut, toka e Durrësit është përdorur si seli e kryerjes së sulmeve fizike dhe kibernetike kundër vendeve të tjera. Prisni një hakmarrje që do të synojë shqiptarët..”
Procesverbal për kqyrjen e të dhënave në internet në rrjetin social Telegram, të emërtuar
….@ghyamsarnegouni. Nga kqyrja konstatohen të publikuara disa video dhe dokumente të ndryshme. Në postimin e bërë me datë 25 prill 2022, ora 12:56 minuta konstatohet se është publikuar një video në të cilën shikohen disa faqeiraniane të ndryshmenë të cilat pasqyrohet gjendja e tyre para dhe pas sulmit të dyshuar kibernetik. Në postimin e bërë me datë 13/06/2022 ora 18:34 minuta konstatohet një video e dyshuar e marrë nga kamerat e rrugëve në qytetin e Teheranit në të cilën ka një mbishkrim me emërtimin “Teheran Traffic Control”
Procesverbali për kqyrjen e të dhënave në internet në rrjetin social Telegram me emërtimin Justice Humeland”. Gjatë këqyrjes në postimin e bërë me datë 19/10/2022 në orën 08 e 36 vihet re se në këtë faqe është publikuartekst pblikuar në gjuhën angleze duke e përkthyer në shqip “Për sa kohë ju nuk mbani një “fre” të ngushtë mbi aktivitetet terroriste të MEK dhe për sa kohë që anëtarët e varfër të MEK nuk “lidhen” në vende të tjera, zbulimet tona do të jenë të vazhdueshme. Nëse doni ndodnjëherë ndonjë Shqipëri të sigurtë, për të mbajtur, jepini fund jetës së garnizonit të banorëve të Durrësit, dhe jepini atyre kënaqësinë e të jetuarit në një jetë urbane dhe urbane”
Procesverbali për kqyrjen e të dhënave në internet në rrjetin social Telegram me meërtimin “JusticeHomeland” . Gjatë kqyrjes në postimin e bërë me datë 03/02/2023 në orën 07:31 vihet re se në këtë faqe ëstë publikuar tekst në gjuhën angleze dhe e përkthyer në shqip “ Ajo që ka rëndësi është zbulimi i informacionit. Marka nuk ka rëndësi. Ende nuk ka filluar stuhia..”
Gjithashtu ka rezultuar se gjatë vitit 2022 shteti dhe instityucionet shqiptare janë prekur nga disa sulme kibernetike të cilat për pasojë kanë sjellë çrregullime të veprimtarisë së përditshme të strukturave të Policisë së Shtetit dhe institucioneve të ndryshme kritike. Sipas të dhënave ky sulm kibernetik dyshohet se mund të jetë kryer nga struktura të inteleigjencës iraniane, për faktin se në Shqipëri stehohen një numër i konsiderueshëm anëtarësh të organizatës MEK që praktikiosht janë opozita e regjimit iranian.
Me datë 08/09/2022 Këshilli i Ministrave vendosi ndërprerjen e marrëdhënieve diplomatike me Republikën Islamike të Iranit, si dhe u bë largimi i gjithë stafit diplomatik nga territori i Republikës së Shqipërisë. Nga monitorimi i burimeve të hapura,rrjetve sociale e në vazhdimësi ka rezultuar se gjatë vitit 2022 u konstatua një rritje e retorikës kërcënuese nga Republika Islamike e Iranit, dhe strukturave të inteligjencës së tyre për të kryer sulme të mundshme, përfshirë edhe sulme me dron ndaj organizatës MEK me qëdrim prej disa vitesh në Shqipërisë.
Minstria e Punëve të Jashtme të Republikës Islamike, I ka përcjellë notë verbale Minsitrisë për Punët e jashtme dhe Evropën ku ndër të tjera thuhet se sipas inteligjencës së besueshme dhe të dokumentuar e cila është siguruar nga agjencitë e sigurisë së Republikës Islamike, Iraniane, për tre skuadra terroriste të arrestuara së fundmi është zbukuar se janë stërvitur në kampin e organizatës MEK në Durrës brenda territorit të Republikës së Shqipërisë.
Nga analiza e të dhënave të siguruara nga policia gjyqsore, rezulton se organizata MEK dhe pjesëtarë të saj të akomoduar në vendin tonë, paraqiten objektiv i rëndësishëm për Iranin, dhe përfaqësuesit e tij zyrtarë në Shqipëri.
Rezulton se organizata e muxhahedinëve të Popullit të Iranit MEK, është krijuar në vitin 1965, si një grupim revolucionar marksist-islamik. Ajko është krijuar nga një grup studentësh të majtë të cilët kishin për qëllim rrëzimin e Shahut të Iranit. Kur Shahu u rrëzua, nisi një përplasje mes muxhahedinëve dhe fondamentalistëve të Ajetollah Komeni që morën pushtetin. N fund të vitit 1981 shumë anëtarë dhe mbështetës të saj u larguan jashtë vendit dhe qendra e tyre kryesore e strehimit u bë Franca. Në vitin 1986 lëvizja e zhvendosi bazën e saj operacionale në lindje të Irakut deri në pushtimin e Irakut. Në këtë koëh u vendos që ata të mbvaheshin në kampin Ashraf ish bazë ushtarake irakene më pas ata janë zhvendosur në kampin liria jashtë Bagdatit për shkak të pasigurisë për jetën lindi nevoja e zhvendosjes së tyre nga Iraku drejt vendeve të tjera, mes të cilëve ishte edhe Shqipëria. Në Shqipëri kanë ardhur rreth 3000 shtetas iranianë, ISh-Ashrafi MEK të zhvendosur nga Iraku mbi baza humanitare, ku 73 përqind e tyre janë meshkuj dhe 27 përqind femra.
Rezulton se zhvendosja e parëme një numër prej 201 personash filloi në vitin 2013 e shoqëruar më pas me 400 persona në vitin 2014, dhe 500 të tjerë në vitin 2015. Megjithatë pjesa më e madhe e zhvendosjes ishte në vititn 2016 kur 1942 persona u zhvendosen me fluturime komerciale charter Me përjashtim të një fluturimi në shkurt 2016, zhvendosjet filluan me 21 prill në masën dy herë në javë nga 20 persona në cdo fluturim ndërsa fluturimet çarter filluan me 12 qershor deri me 9 shtator 2016. Policia Kufitare e Migracionit regjistroi në mbërritje çdo person si dhe pajisi me l;eje qëndrimi provizore mbi baza humanitare të gjithë të ardhurit. Të mbërriturit fillimisht janë vendosur në dy zona në Tiranë në apartamente em qera, nga UNCHR përkatësisht në pallatet Fratari dhe Era në Durrës
Në total 1777 persona të mbërritur në vitin 2016 janë akomoduar 1119 të gjithë burra në pallatet Fratari dhe 657 shumica femra në ERA. Drejtuesit e MEK kanë siguruar akomodimin për të gjtihë nga 2018 e më pas është bërë zhvendosja e të gjtihë pjesëtarëve të organizatës në kampin ASHRAF 3 në Manzë në Durrës. Që prej fillimit të zhvendosjes 450 persona kanë zgjedhur të alrgohen dhe nga këta 50 persona janë ende në Shqipëri. Nga të alrguarit jashtë vendit rreth 100 janë larguar në mënyrë legale dhe janë vendosur në vende të treat si SHBA, Itali, Britani, vendet Nordike, ndërsa rreth 300 janë larguar në mënyrë ilegale
Sipas të dhënave tona organizata MEK rezulton se
Ka një strukturë të centralizuar dhe hierarkike ku drejtuesja e kësaj organziate është shtetësja Maryan Rajavi bashkëshortja e ish themeluesit të organizatës Massoud Rajavi. Në kampin e organizatës MEK ka struktura strikte sigurie. Ardhja e MEK në Shqipëri ka zgjuar interesa iraniane duke bërë që strukturat e shërbimeve inteligjente tëe Iranit të kenë një vëmendje të shtuar të aktivitetit të tyre në territorin e Shqipërisë. Fokusi ka qenë rritja e propogandës kundër organizatës MEK me qëllim të shkpëusë nga organizata sa më shumë antarë të saj dhe dobësimin e kësaj organizate deri në shpërbërjen e plotë duke zhvilluar një situatë informacioni mbi rrezikun që MEK paraqet me qëndrimin e saj në Shqipëri. Organizata MEK është duke bërë të njëtën gjë nga ana e tyre, për tju kundërvënë kësaj strategjie. …
UNHCR ka qenë e angazhuar që në Irak dhe ajo ka bashkëpunuar ngushtë me Ministrinë e Punëve të Brendëshme, dhe agjencitë e tjera për ndjekjen e problematikës që lidhet me MEK, gjithashtu UNHCR ka ndjekur me vëmendje të veçantë çështjen e atyre që duan të shkëputen nga organizata. Deri tani janë shkëputur nga organizata rreth 450 persona, janë larguar jashtë vendit 4000, ku 100 janë larguar në mënyrë legale dhe 300 në mënyrë ilegale. Në vendin tonë ndodhen aktualisht 50 persona të cilët janë akomoduar në Tiranë. Brenda kampit rezulton që aktualisht janë 2500 persona.
Në kushtet ku ka dyshime të arsyeshme se organizata MEK nga trerritori Republikës së Shqipërisë ka kryer sulme kibernetike ndaj Republikës Islamike, të Iranit në disa periudha të ndryshme kohore dhe drejt disa institucioneve të shtetit të Iranit. Duke qenë se statusi organizatës MEK në Shqipëri është humanitare Republika Islamike e Iranit në vazhdimësi ka pretenduar duke ngritur dyshime dhe në mënyrë të vazhdueshme kërcënon se do të ndërmarrë sulme ndaj Shqipërisë dhe organizatës MEK. Po ashtu republika Islamike e Iranit ka kryer sulme kibernetike ndaj Republikës së Shqipërisë para disa kohësh gjë e cila ka cënuar seriozisht sigurinë kibernetike dhe integritetin kibernetik të shtetit shqiptar
Me qëllim gjetjen e serverave apo pajisjeve të tjera kompjuterike që mund të jenë përdorur në sulmet kibernetike nga territori i Shqipërisë është e domosdoshme kryerja e kontrollit në vendqëndrimin e pjesëtarëve të organizatës MEK në Durrës në Shqipëri.
Në rastin konkret nga hetimet e deritanishme dhe të dhënat e referuara nga policia policia gjyqsore rezulton se ka dyshime për faktin se pjesëtarët e organizatës MEK me vendqëndrim në Manëz, Durrës, në Shqipëri, janë të përfshirë në aktivitet criminal të terrorizmit dhe financimit të terrorizmit.
Për këto arsye në përputhje me nenin 202/1 dhe 202/a të Kodit të procedurës penale prokurorët kërkojnë të lehjohet ky kontroll
Kjo Gjykatë çmon të drejtë dhe të bazuar në ligj kërkesën e prokuorit për lejimin e kontrollit të ambienteve të sipërcituara e cila duhet të pranohet sepse:
Nga analiza e të dhënave të marra gjatë hetimit deri në këto momente kjo Gjykatë vlerëson se në kuptim të nenit 202/a të Kodit të Procedurës Penale ka arsye trë bazuara për të menduar se në ambjentet ku kërkohet kontrolli gjenden prova material që lidhen me veprat penale të kryera nga pjesëtarë të organizatës MEK. Për këto arsye kjo Gjykatë, konkludon se ekzistojnë kushtet e parashikuara nga nga neni 202/1 të Kodit të Procedurës Penale, për kryerjen e kontrollit të ambjenteve të sipërpërmendura ku mund të gjenden prova material dhe në rast të një rezultati pozitiv të bëhet sekuestrimi i tyre dhe mbi këtë bazë urdhëron në zbatim të nenit 202/2 të Kodit të Procedurës Penale, oficerët e policisë gjyqësore të Drejtorisë së përgjithshme të Policisë së Shtetit dhe oficerët e policisë gjyqsore të Drejtorisë së Antiterrorit z. Sh. C, E. C dhe B.L për kryerjen e këtij veprimi hetimor
Ky veprim të kryehet në respektim të parashikimit të nenit 206/1 të Kodit të procedurës Penale, Për çka dhe si u arsyetua më sipër në bazë të neneve 202-206 të Kodit të procedurës penale kjo gjykatë pasi krijoi bindjen dhe në mbështetje të akteve të shqyrtuara në këtë gjykim vendosi:
• Pranimin e kërkesës së Prokurorisë së Posaçme kundër Korrupsionit dhe Krimit të Organizuar.
• Lejimin e kontrollit të ambjenteve të qëndrimit në kampin MEK me adresë Manëz, Durrës, Shqipëri duke përfshirë zyrat dhe ambjentet e tjera të qëndrimit në këtë kamp.
• Kontrolli të kryhet nga opgj të Drejtorisë së Përgjithshme të Policisë së Shtetit opgj të Drejtorisë së Antiterrorit Sh.C, E.C, B.L….
U shpall në Tiranë sot me datë 19/06/2023…
