nga Ermal Hasimja
Partia Socialiste ka vendosur të zgjidhë problemin që ka me drejtësinë duke ndryshuar ligjet. Domethënë socialistët kanë vendosur t’i shkulin dhëmbët drejtësisë.
Pasojat kryesore:
- Partia Socialiste vendoset qartazi dhe haptazi në luftë kundër drejtësisë.
- Partia Socialiste do të bartë mbi supe peshën e skandaleve të bëra publike dhe të tjera që mund të dalin/rrjedhin. Në zgjedhjet e ardhshme e vetmja mënyrë për ta balancuar efektin e kësaj do të jetë përdorimi edhe më i rëndë i faktorëve që i siguruan fitoren. Pra reaksion zinxhir drejt autoritarizmit.
- Është shërbimi më i mirë për opozitën, sepse tani shtohet edhe një kauzë tjetër e fuqishme mobilizuese që mund ta rendisë opozitën në të njëjtën frekuencë me ndërkombëtarët dhe opinionin publik që mbështet drejtësinë.
- Integrimi në BE shkon në drejtim të paditur. Socialistët do ta përligjin me mungesë dëshire nga Brukseli, por tashmë do të kuptohet qartë nga vjen zvarritja e integrimit.
