Kandidati i Koalicionit Euroatlantik në Durrës, Joni Myshketa, ka sfiduar raportimet optimiste të qeverisë për situatën e ujit në qytet, duke theksuar se propaganda nuk mund të fshehë dot të përditshmen e qytetarëve.
Sipas tij, cilësia e ujit shpesh është nën standard, çmimi i shërbimit mbetet i lartë, dhe ndërmarrja UKD është në kolaps financiar, me mbi 160 milionë euro detyrime ndaj shtetit.
Ai i bën thirrje qytetarëve që të mos mjaftohen me premtime dhe përgënjeshtrime, por të votojnë për një alternativë që ka si prioritet investimet në shërbime bazë dhe transparencën në menaxhim.
Postimi i plotë:
https://www.facebook.com/share/p/152s6isjum/?mibextid=wwXIfr
Fort i “nderuar” kryeministri i vendit tim.
Situata e ujit në Durrës nuk është siç mundoheni ta përshkruani Ju.
Keni përmendur lagjjen nr 1 të Durrësit zemrën e qytetit dhe nuk është aspak e vërtetë që rrjeti furnizohet 24 h, por me orar të reduktuar.
Pa përmendur zonat e tjera që Ju citoni.
Mjafton të kaloni dhe të shihni depozitat e pallateve shumë katëshe, depozitat mbi tarracat e objekteve të banimit dhe bie poshtë e gjithë retorika juaj që jemi bajatur tërë këto vite duke dëgjuar “arritjet” e qeverisë suaj dhe fajet e të tjerëve.
Jo pak herë e kam ngritur personalisht në Këshillin Bashkiak çështjen e ujit të pishëm që vetëm i tillë nuk është, por në shumë raste vjen i ndotur dhe paguhet sa frëngu pulën.
Të mos harrojmë që gjatë sezonit veror fillon e lulëzon tregtia e boteve me ujë për të mbushur depozitat e njësive akomoduese.
Pa përmendur jorentabilitetin e ndërmarrjes Rajone UKD që vetëm shtetit i detyrohet 160.000.000 euro sipas KLSH.
Pra na bëni nder po të jeni pak më i sinqertë (vështirë do jetë) dhe të pranohet realiteti i dhimbshëm ku ne njerëzit e thjshtë na duhet të përballemi çdo ditë.
Nëse mandati i 4-tërt shkon për Ju, mandatin e 5-stë do të votojnë emigrantët e natyralizuar me pasaportë shqiptare pasi shqiptarët do ta kërkojnë Europën vetë të detyruar prej Jush e jo të presin pasaportën e BE prej Jush.
